Tanzreferat

Tanzreferat

A Tonz, des woaß a jeder guat, sogt mehr, wia wann ma „redn“ tuat!
D`Figurentanze, wos ma hobm, san „Werbetänze“ olli z`saum.
Mit „anhahnln“ fongt olles aon, wia`s „Bolz“ ba an Auerhaohn.
Donn is an sou an Tonz nouh drein, is „Werbn“ und is „Fensterln-geihn“,
is „Busserldrahn“ und `s „Dirndlschupfn“, is „Holsn“ und is „Stiaglhupfn“,
is „Bankersitzen“ für de zwoa und wia sie`n unters „Joch“ bringt gor.
Dir, liabes Dirndl, sog i heit: Da onz is Ausdruck großer Freid
und wann er tonzt mit dir, da Bua, womögli a nouh jauchzt dazua,
jo, donn mei Dirndl, kimmt ma vür, donn, wannsd`n mogst, ghört er schaon dir!
A Tonz is „Werbung um a Braut“, is „Gernhobm-betteln“, wann ma schaut.
Mit Bewegungen, de gschmeidig san, wüll er si in ihr Herzerl drahn.
A Tonz, des is a „Herzerlbiaga“, is grod so, wia a Stopplziahger.
A Schüsserl is er für an Schotz: Wannsd tonzt, host in ihr`n Herzn Plotz!
Da Tonz is Ausdruck großer Freid! Drum sog i:“ Wort`ts net, tonzts doch, Leit!

Sepp Maier aus Pernegg